- بلقيس: ما في مشهور ناجح إلا ومحارب بالوطن العربي
بعد الضجة الكبيرة التي أثارتها النجمة اللبنانية نادين نسيب نجيم بعملية التجميل التي قامت بها لتعريض فكها أو ما يسمى بـ «عملية تكساس»، خرجت أخيرا عن صمتها وردت على كل منتقديها برسالة نارية.
ونشرت نادين صورة مركبة على صفحتها على «انستغرام» مع نجمتين عالميتين خضعتا لنفس عملية التجميل، وعلقت عليها: «بعتقد بكفي، حكيتوا كتير عن موضوع شكل وجي وأخدتوا راحتكم وانتقدتوا لشبعتوا، صرلكم سنة بس مش معقول كل ما نزل صورة حلوة أو أي شي بتتركوا كل شي وبتعلقوا على حنكي، بالوقت يلي بتنفحطوا وبتجنوا بجمال الأجانب، وهيدي الصورة حطيتا ليش حلال على الأجانب وعليي انا لاء!».
وتابعت: «وشو المقصود من كل هالحكي غير حالي؟ مستحيل تأثروا على نجاحي على ثقتي بنفسي! مستحيل تغيروا رأي العالم ياللي بيحبوني وبيشوفوني حلوة، بدكم تعملولن غسل دماغ لكل انسان يحبني وتشوهوا صورتي قدامن.. مستحيل!».
واختتمت كلامهـا، بقولها: «هيدا جوابي للي عاملين حالن بيفهموا وعندن الصلاحية يحكموا على العالم وينتقدوا، والمفروض المشهور يسكت ويبلعها وما يحكي الحق! أنا إنسانة وعندي صوت متلكم بجاوب وقت ياللي لازم جاوب، وهيدا جوابي، ان شاء الله تحلوا عن حنكي، وتركزوا بجمالكم يا حلوين إنتوا يا ملوك الجمال».
من جهتها، أعربت الفنانة بلقيس فتحي عن دعمها ومساندتها لنادين، وعلقت:«حبيبتي نادين جمالك وثقتك وثقافتك طاغيين وبشدة ومنعكسين ومكملين جمالك الخارجي، ركزي على نجاحاتك وشغلك واتركي النباح لأهل النباح، ما في مشهور ناجح إلا ومحارب بالوطن العربي والحرب شعواء بالخفاء والعلن، عندك شغل وعايلة بتحبك وفانز بكل الوطن العربي وأعمالك تترجم وتدبلج بالعالمية».